غناوي وشتاوي ع الجرح

الغناوي
انريد نلمسك يا جرح ... ونهاب فيك من قو الوجع

*******
الجرح ما ايريد احركه ... يبقا نهار لوكان تلمسه

*******
اجروح خاطرى تقريظ ... لوكان يقتلن قاتلاتنى

*******
العين جرحه تقريـــظ ... تقطير الدوا مى حامله

*******
لوكان كسر لايمنـــاه ... دقدق عزيز فينا كلشى

*******
اجرحت روحها بغلا ... تحساب المدواه ساهله
******
سطر من سطير الجرح ... قللا هناى يا صاحب الدواء
*******
عليش يا امداوى داى ... ترفع ايديك وترد لاورا
*******

الشتاوي
جرح اقدم احسبته نمه === حكيته جا جـــاري دمـه
*******

وينك ياضماد اجروحــي === راني واكلها في روحي
*******
." يا جرحي حليك ابدمك ... نين ايجيك عزيز ايظمك ".
*******
تنقض يا مرهون اجروحي ... لو ماني ماسك فى روحى
*******
جرحك يا لى غائب مده ... ناض طبيبه رافع يده
********
ننسو كيف اللى جارحنا ....هو مشتاق وحتى نحن
******
جرحك يا مرهون احملنا ......لو كان امغير اتساولنا

سلمت الايادى