قالوا ثلاثه ما تاخذهن لين تنشد عليهن

قالوا ثلاثه ما تاخذهن لين تنشد عليهن

وثلاثه ما ترتاح لين ما تفتك منهن

وثلاثه كان بطن غابت طعمتهن


الثلاثه اللي ما تاخذهن لين تنشد عليهن ..

العسل ،، اللبن ،، والوليه(الزوجة)

والثلاثه اللي ما ترتاح لين ما تفتك منهن

السوسة ،، والدين ،، والرفيق العطيب(اللي مافيه فايدة)

والثلاثه اللي كان بطن( تأخرن) غابت طعمتهن

العزومة ،، والتعزية ،، وصلاة المغرب



قالوا ثلاثه يجيرك الله منهم

وثلاثه راك ترافقهم

وثلاثه راك تنصت لهم (اي تسمع لهم)

وثلاثه راك تصبح فيهم

وثلاثه راك تهلب رايهم (اي لا تاخذ به).



الثلاثة اللي يجيرك الله منهم

ولد الحرام ،، وقطاٌع الارحام .. ووكٌال رزق الايتام .

والثلاثه اللي راك ترافقهم ..

الهبل ،، والعطيب ،، وقليل المروة

والثلاثه اللي راك تصنتلهم

الفتاٌن ،،والكذاب ،، وشاهد الزور

والثلاثة اللي راك تصبٌح فيهم

الاشكل( اي المنحوس) ،، والمعيان ،، وغضيب الوالدين

والثلاثة اللي راك تهلب رايهم .

صلاٌي الاوقات ،، وطعٌَام العيش ،، ورضي الوالدين




قالوا سته خيرمن سته والسته ما فيهم خير

العافيه بلا صلاة ،، المرض خير منها ،،، والمرض مافيش خير

المال بلا زكاة ،، الفقر خير منا ،،، والفقر مافيش خير

والقبيلة الظالمه ،، الغربة خيرمنها ،،، والغربة مافيهش خير

والزوجة النكدية ،، العزوبية خير منها ،،، والعزوبية مافيهش خير

والضنوة العطيبة ،، العقر ( العقم ) خير منها ،،، والعقر مافيش خير

والجار القبيح ،، الوحاديه خير منا ،،، والوحاديه مافيهش خير

........والله موضوعك عجبنييييييييييييييييييي...

خالص تحياتي........

استمتعت بقرائته

الله يعطيك العافية يا مشرفنا

تسلم تسلم

شكرا على مروركم الجميل